Австрискиот малопродажен синџир „Billa“ воведе во Австрија, во една од нејзините бројни филијали во четири австриски сојузни покраини, во Виена, Грац , Нојсидл ам Зее и во Линц 60 минути дневно пазарење за аутисти во тишина и без врева.
Поточно без музика и други тонски и други пораки во супермаркет и со пригушени светла, пренесува Пословни.
Според австриските медиуми, причината е сериозна. Оваа новина на концернот Rewe, на која припаѓа и Billa, го воведе споменатиот „час на тишина“ за клиентите од аутистичниот спектар (невроразвојно нарушување), на кои особено им пречи бучавата и се многу чувствителни на светлина. Затоа, се повикуваат сите клиенти да внимаваат да не бидат бучни и да се однесуваат максимално смирено при купувањето во соодветната експозитура секој ден од 16 до 17 часот.
Медиумите посочуваат дека во Австрија има меѓу 80.000 и 90.000 аутисти, а за пофалба е што некој мисли и на нив.
„За нас е особено важно сите клиенти на кои им треба повеќе душевен мир при купувањето, како што се луѓето од спектарот на аутизам, да се чувствуваат добредојдени и удобно со нас“, велат од раководството на Billa. Со напомена како ги обучувале и своите вработени во овие филијали како да се справуваат со аутистичните клиенти. Исто така, беше истакнато дека Billa има намера да го прошири „Часот на тишината“ во градовите и населбите во другите австриски провинции .
