Трговскиот дефицит на САД се зголеми на рекордно ниво овој септември, објави CNN Business, цитирајќи владини податоци.
Главната причина е сериозниот пад на извозот. Министерството за трговија на земјата соопшти дека трговскиот дефицит е зголемен за 11,2 отсто на рекордни 80,9 милијарди долари.
Кризата во глобалниот синџир е главната причина за тоа, бидејќи американските компании буквално мака мачат да ги извезат своите производи.
Сепак, увозот останува висок бидејќи компаниите ги надополнуваат исцрпените залихи. Ова, пак, доведе до повисоки увозни цени, бидејќи побарувачката веќе ја надминува понудата.
Веста е дефинитивно доста вознемирувачка вест за американската економија: трговијата не придонесе за растот на бруто домашниот производ во третиот квартал на годината, што помогна да се ограничи годишниот економски раст до 2%.
Токму трговските проблеми го попречуваат растот на БДП на САД.
Во септември извозот падна за 3% на 207,6 милијарди долари. Најголемиот пад се должи на индустриските залихи, како што е суровата нафта, која падна за 1 милијарда долари.
Паднал и извозот на капитални добра.
Во исто време, извозот на стоки за широка потрошувачка е највисок во американската историја.
Увозот, од друга страна, се зголеми за 0,6% на рекордни 288,5 милијарди долари, достигнувајќи 240,9 милијарди долари за стоки, што е исто така рекорд.
