Трговскиот суфицит на Русија во 2023 година се намали за 58,5 отсто на 130 милијарди евра

11

Трговскиот суфицит на Русија на крајот на 2023 година изнесува 130 милијарди евра, што е за 58,5 отсто помалку во однос на 2022 година, пренесе Интерфакс, повикувајќи се на извештајот на руската Федерална царинска служба.

Вредноста на извозот од Русија е намалена за 28,3 отсто на годишно ниво, на 394,7 милијарди евра, додека увозот е зголемен за 11,7 отсто на 264,7 милијарди евра.

Вкупниот обем на надворешната трговска размена на Русија падна за 16,2 отсто на годишно ниво, на 659,4 милијарди евра.