Шпанскиот производител на облека Inditex, сопственик на модниот ланец Zara, ги претстави резултатите за растот на добивката во третото фискално тримесечје, благодарение на контролираните трошоци и управување со залихи.
За период од три месеци нето добивката на шпанската компанија пораснала за 14%, на 1,17 милијарди евра, а приходите им изнесуваат седум милијарди евра, наведува Ројтерс.
Управата нагласува строга контрола врз оперативните трошоци при проширувањето и подобрување на продавниците како што е Zara во трговски центар во Обединетите Арапски Емирати.
Од компанијата објаснуваат дека изминатиот период ја зголемиле продажбата и смалиле залихите благодарение на бизнис моделот којшто се темели на строга контрола на производите по целиот ланец на снабдување.
Фото: Pexels