Цената на барел нафта 117 долари

38

Цените на нафтата утринава имаат слична вредност како вчера. На лондонскиот пазар цената на барелот е 117 долари, а на американскиот пазар исто така 111 долари за барел, покажуваат податоците на Oilprice.

Либија има сè повеќе проблеми со извозот на „црното злато“ поради влошувањето на политичката криза, додека антивладините протести во Еквадор се закануваат да го прекинат производството во таа поранешна членка на Организацијата на земјите извознички на нафта (ОПЕК), пренесува Блумберг.

Секое нарушување на снабдувањето може, како концентрични кругови, да се прошири на глобалниот пазар на нафта, кој, под притисок на силната побарувачка, е поттикнат од економското закрепнување и затегнатите трговски текови од Русија по нејзиниот напад врз Украина.

Ограничени се и изгледите за дополнително зголемување на понудата на двата клучни производители во ОПЕК, Обединетите Арапски Емирати и Саудиска Арабија.