Цената на гасот во европската трговија е заклучена синоќа на ново рекордно ниво на сите времиња, приближувајќи се до бројката од 2.200 долари за илјада кубни метри.
Според агенцијата Тас, повикувајќи се на податоците на лондонската берза ICE, цената на јануарските фјучерси во центарот TTF во Холандија се затвори на 2.190,4 долари за илјада кубни метри, или 187,47 евра за MWh, што е скок од 27 отсто на дневна основа. Цената на гасот во Европа порасна за 15,5 пати од декември 2019 година, а во однос на минатата година скокна за 9,8 пати.
Заменик-претседателот на Управниот одбор на Газпром Холдинг, Фамил Садигов изјави дека рускиот гасен гигант очекува дека цените на бензинот постепено ќе паѓаат во следните две години, но ќе останат над нивото пред ковид.
