Цената на гасот во Европа денеска по една недела повторно порасна на ниво над 40 евра за мегават-час.
Според податоците на амстердамската берза ТТФ, европските фјучерси на гас се продавале во 13 часот и 10 минути по цена од 43.100 евра за мегават-час, што е за речиси 10 отсто повисока од петокот.
Последен пат цената на гасот беше над 40 евра за мегават-час пред една недела.
Како што пренесува германски Wirshaftvohe, пазарот реагирал на вчерашното затворање на гасоводот меѓу Финска и Естонија, предизвикано од пад на притисокот.
Според финскиот оператор, можно е да имало истекување на гас, но истрагата сè уште не е завршена. Досегашниот инцидент, се додава, не претставува закана за снабдувањето со гас во Европа, но ја покажа ранливоста на мрежата за снабдување.
Друга причина за поскапувањето на гасот е нападот на палестинскиот Хамас врз Израел, кој, додуша, имаше поголемо влијание врз цената на нафтата и стравот дека конфликтот може да се прошири.
И покрај ваквиот скок, цената на гасот и натаму е значително под нивото на лани кога во еден момент достигна 300 евра за мегават-час.