Цената на нафтата е речиси 80 долари за барел

15

Цените на нафтата продолжија да растат и денес, петти ден по ред. Во исто време, нафтата Брент се приближува до цената од 80 долари за барел поради загриженоста за снабдувањето, со оглед на зголемувањето на глобалната побарувачка како што се намалува пандемијата.

Во синоќешното азиско тргување, цената на Брент зајакна за 1,14 долари или 1,5 проценти, достигнувајќи ја цената од 79,23 долари за барел, како што пренесува Ројтерс. Американската нафта WTI порасна за 1,11 долари или 1,5 проценти, така што сега е на 75,09 долари за барел, што е највисока цена од јули.

На лондонскиот пазар, цената се зголеми за 3,6 проценти минатата недела, на 78,09 долари, што е највисоко ниво од ноември 2018 година.