Цените на нафтата пораснаа, при што Брент премина 100 долари за барел за прв пат од 2014 година кога Русија ја нападна Украина, што ја влошува загриженоста дека војната во Европа може да го наруши глобалното снабдување со енергија.
Откако рускиот претседател Владимир Путин одобри, како што рече, специјална воена операција, украинскиот министер за надворешни работи Дмитриј Кулеба преку твит објави дека Русија во целост започнала инвазија на Украина.
Нафтата „брент“ достигна највисоко ниво од 102,48 долари за барел, што е највисока вредност од септември 2014 година и беше на 102,06 долари за барел во 05:47 часот по Гринич, што претставува зголемување од 5,22 долари или 5,4%.
Фјучерсите на суровата нафта West Texas Intermediate (WTI) скокнаа за 4,85 долари, или 5,3%, на 96,95 долари за барел, откако се искачија на 97,40 долари, најмногу од август 2014 година.
Цените на нафтата се зголемија за повеќе од 20 долари за барел од почетокот на 2022 година поради страв дека САД и Европа ќе воведат санкции врз рускиот енергетски сектор, со што ќе го нарушат снабдувањето.
Русија е втор најголем производител на нафта во светот, главно продавајќи ја својата нафта на европските рафинерии и е најголемиот европски снабдувач на природен гас, обезбедувајќи околу 35% од своето снабдување.
