Цената на нафтата се одржува над 84 долари

20

Очекуваниот раст на кинеската побарувачка останува главен двигател на нафтените пазари.

Токму поради ова, цената на нафтата остана над 84 долари. Сепак, трговците сè уште се загрижени за прогнозата за раст на каматните стапки во еврозоната, пренесува агенцијата Мина.

На лондонскиот пазар цената на барелот претпладнево е 84,80 долари, додека на американскиот пазар неговата вредност е 78,22 долари, покажуваат најновите податоци објавени на веб-страницата OilPrice.

Трговците се фокусираа на знаците за закрепнување на кинеската економија по укинувањето на строгите мерки за спречување на корона вирусот.

Кинеската индустриска активност се зголеми во февруари со најбрзо темпо во повеќе од една деценија, покажаа податоците објавени во средата.