Фјучерсите на златото достигнаа историски максимум во понеделникот, бидејќи трговците се обложуваат дека американската централна банка ќе започне со намалување на каматните стапки во втората половина на оваа година.
Априлските фјучерси се зголемија за 30,60 долари, или 1,46 отсто, на 2.126,30 долари за унца (31,1 грам), што е највисоко ниво од почетокот на рекордите во 1974 година. Претходната највисока цена беше постигната на претходната трговска сесија во петокот кога златото достигна 2095,70 долари за унца, пренесува Seebiz.
Индексот VanEck Gold Miners ETF порасна за 4,5 отсто. Кога цената ќе се приспособи за инфлацијата, златото достигна историски максимум од околу 3.200 долари за унца во 1980 година по тековни цени, според финансиската група Бликли, која прогнозира дека цената на златото ќе продолжи да расте.
Златото имаше добри резултати и покрај високите каматни стапки и силниот долар. Ова е главно затоа што светските централни банки купија големи количини злато откако САД и ЕУ конфискуваа 300 милијарди долари руски девизни резерви.
Цената на златото е во позитива во однос на очекувањата дека ФЕД годинава ќе почне да ги намалува каматните стапки паралелно со намалувањето на инфлацијата. Кога каматните стапки паѓаат, цените на златото имаат тенденција да растат, бидејќи инвеститорите бараат безбедно засолниште додека средствата како обврзниците стануваат помалку привлечни.