Цените на гасот во Европа скокнаа за околу 10 отсто, надминувајќи 1.700 долари за 1.000 кубни метри, првпат од почетокот на октомври, пренесува агенцијата Тасс.
Според ICE London Stock Exchange, цената на јануарските фјучерси на гас во холандскиот центар ТТФ се искачи на 1.705 долари за 1.000 кубни метри, или 145,9 евра за MWh.
Во исто време, Russia Today известува дека капацитетот на складиштата за природен гас во Германија паднал под 60 отсто за прв пат по неколку години, цитирајќи ја изјавата на Себастијан Блеске, извршен директор на германската асоцијација на оператори со подземни складишта за гас, INES. , пренесува Танјуг.
Блеске, како што се наведува, за весникот Ханделсблат изјавил дека капацитетот во моментов е околу 59 отсто, што е „историски ниско ниво“ во однос на претходните години.
„Бидејќи вистинската зима допрва доаѓа, треба да бидеме внимателни со релативно малите резерви“, рече Блеске, предупредувајќи дека „ако гасот се повлече од складиштето исто како што е сега, стапката на искористеност во февруари ќе биде многу ниска“.