Цените на гасот во Европа продолжија да паѓаат

40

Берзанските цени на гасот во Европа паднаа под 750 долари за 1.000 кубни метри во средата, првпат од 18 февруари минатата година, покажуваат податоците на лондонската берза ICE. Вкупниот пад од почетокот на денот е повеќе од три проценти.

Цената на февруарските фјучерси во центарот TTF во Холандија падна на 733 долари за 1.000 кубни метри, или 67 евра за MWh.

Ако продолжи топлото време, ќе има повеќе резерви во европските магацини, а цената нема да расте.

Потопол од очекуваниот почеток на зимата во многу делови од светот нагло ги намали стравувањата од криза со снабдувањето со природен гас. Останува, сепак, ризикот од бран на екстремен студ, како и продолжена доцна зима, што може да ги исцрпи резервите на гас во Европа и повторно да ги катапултира цените.