Светските цени на храната за првпат во изминативе 12 месеци почнаа да се намалуваат, при што најголемо намалување бележи маслото за јадење и житариците, соопшти организацијата за храна и земјоделство на Обединетите нации (ФАО).
Индексот на цените на храната на Организацијата за храна и земјоделство, кој ги мери месечните промени за кошничката со житни култури, маслодајно семе, млечни производи, месо и шеќер, минатиот месец во просек изнесуваше 124,6 поени наспроти ревидираните 127,8 поени во мај.
Индексот на цените на млечните производи падна за 1%, на 119,9 поени, при што сите млечни производи поевтинија, особено путерот поради наглото повлекување на глобалната побарувачка за увоз и благото зголемување на залихите, пред се во Европа.
Индексот на цената на растителното масло на ФАО падна за 9,8 % во јуни, делумно како резултат на падот на цените на палминото масло. Иако индексот на цените на житните култури се намали за 2,6% во јуни, сепак на годишно ниво забележа раст од 33,8%. Цените на пченката паднаа за 5%, делумно поради повисоките приноси во Аргентина и подобрените услови за земјоделски култури во САД.
Фото: Freepik
