Цените на нафтата во петокот на меѓународните пазари се зголемија на 77 долари, поттикнати од проценките дека Белата куќа и Конгресот ќе постигнат договор за зголемување на плафонот на американскиот долг и отстранување на заканата од проблеми со плаќањето.
На лондонскиот пазар цената на барелот изнесуваше 77,01 долар.
На американскиот пазар барелот со датуми на испорака во јули се тргуваше по повисока цена од 1,16 долари, од 73,10 долари. Во помалку активните договори за испорака во јуни кои истекуваат во понеделник, се зголеми за 1,09 долари на 72,95 долари.
Пазарите внимателно ги следат преговорите меѓу американскиот претседател Џо Бајден и претседателот на Претставничкиот дом, републиканецот Кевин Мекарти за зголемување на плафонот на националниот долг, кој моментално изнесува 31,4 трилиони долари.
Доколку не се подигне плафонот, државата можеби нема да може да ги сервисира своите финансиски обврски од 1 јуни, предупреди министерката за финансии Џенет Јелен.
На почетокот на оваа недела, Бајден и Мекарти повторија дека нивната цел е да постигнат договор.
Цените се поддржани и од очекувањата дека побарувачката во Кина ќе се зголеми до крајот на годината, што треба да го компензира забавувањето на членките на Организацијата за економски развој и соработка (ОЕЦД).
