На светските берзи цените на нафтата пораснаа минатата недела, втора недела по ред, што најмногу е последица на загриженоста дека ескалацијата на конфликтот на Блискиот Исток може да го наруши снабдувањето со нафта од тоа подрачје.
На лондонскиот пазар цената на барелот минатата недела порасна за 1,4 отсто, на 92,16 долари, додека на американскиот пазар цената на барелот порасна за 1,2 отсто, на 88,75 долари.
Цела недела цените варираат во зависност од вестите за ситуацијата на Блискиот Исток.
Кога веста укажа на ескалација на конфликтот меѓу Израел и палестинската милитантна група Хамас, цената на нафтата порасна.
Од друга страна, на цената на нафтата негативно влијаеше најавата дека САД ќе ги ублажат санкциите кон Венецуела и ќе овозможат враќање на нејзината нафта на светските пазари.