Цените на нафтата се движат меѓу 108 и 112 долари за барел

56

Цената на нафтата денеска благо порасна, но неделата ќе ја заврши со најголем неделен пад од ноември.

Стравот од последиците од американската забрана на руската нафта на пазарот го промени верувањето дека другите големи производители ќе ги зголемат испораките.

Нафтата Брент порасна за 2,48, или 2,27 отсто, на 111,81 долари за барел на азиските фјучерси во петокот во 7:47 часот по средноевропско време, откако падна за 1,6 отсто во претходната сесија.

Американската сурова нафта WTI зајакна за 2,0 долари, или 1,89 отсто, на 108,02 долари за барел, закрепнувајќи од падот од 2,5 отсто во четвртокот.

Нафтата Брент е на пат да ја заврши турбулентната трговска недела, обележана со разговори за ембарго на руската нафта поради ескалацијата на конфликтите во Украина, а потоа и потенцијално зголемување на испораките од Иран, Венецуела и ОАЕ, со неделен пад од 5,2 отсто, откако достигна 14-годишен максимум од 139,13 долари во понеделникот.

Американската нафта, која исто така забележа највисоко ниво од 130,5 долари за барел на почетокот на неделата, се чини дека ќе ја заврши неделата со пад од 6,6 отсто.

„Цените на двата меѓународни референтни типови нафта би можеле нагло да паднат под 100 долари за барел од ова ниво до секоја вест што би сугерирала ублажување на прекините во снабдувањето“, рече Џефри Хали, аналитичар во Оанда.