Глобалните цени на нафтата пораснаа за повеќе од 8 отсто минатата недела, што е на најниското ниво во последните три недели, бидејќи трговците се надеваа на поголема побарувачка и додека Русија најави намалување на производството.
Цената на барелот на лондонскиот пазар минатата недела се зголеми за 8,2 отсто, на 86,39 долари, додека на американскиот пазар цената на барелот порасна за 8,6 отсто, на 79,72 долари.
По две недели пад, цените се зголемија бидејќи трговците се надеваат на посилна кинеска побарувачка, имајќи предвид дека укинувањето на строгите рестриктивни мерки за коронавирусот треба да поттикне побрз економски раст таму.
Поради очекуваното закрепнување на побарувачката, особено во Кина, Саудиска Арабија, најголемиот светски извозник, ги зголеми цените на нафтата за азиските купувачи за прв пат по шест месеци.
Утрово цените на нафтата бележат благ пад, па така Брент се тргува по цена од 85,64 долари за барел. додека ВТИ, за 78,91 долари з барел.
