Цените на нафтата на светските берзи пораснаа во последната недела од минатата година бидејќи трговците очекуваат продолжување на закрепнувањето на економиите, а со тоа и на побарувачката на нафта, па во 2021 година забележаа раст од над 50 отсто.
Цената на барелот на лондонскиот пазар минатата недела порасна за 2,15 отсто, на 77,78 долари, додека на американскиот пазар барелот поскапе за 1,9 отсто на 75,21 долари.
Така, на лондонскиот пазар цената на барелот во цела минатата година забележа раст од 50,5 отсто, највисок од 2016 година.
На американскиот пазар, пак, барелот поскапе за 55,5 отсто, што е најмногу од 2009 година.
