Цените на недвижнини во Дубаи тонат на ниво од 2010 година

118

Ширењето на пандемијата на коронавирус може цените на недвижностите во Дубаи да ги спушти до нивото во 2010 година, предупредуваат аналитичарите на Standard&Poors, пишува Bloomberg.

“Веруваме дека цените на недвижностите се приближуваат кон нивоата на последниот циклус во 2010 година и се дури и пониски кога се пресметува влијанието на инфлацијата, особено ако се земат предвид стимулациите за продажба на недвижнини коишто не се планирани“, се вели во извештајот на Standard&Poors.

Исто така, во извештајот се наведува дека се очекуваат и негативни трендови на вработување во некои клучни сектори како што се туризам и малопродажба.

Во одредена фаза, Дубаи може да се соочи со широк тренд на затворање на компании, или прекини на работи, вклучувајќи и градилишта, што може да ја одложи изградбата на идните недвижнини, стои во извештајот на Standard&Poors.

Фото: Pixabay