Фото: Facebook
Следната година Црна Гора ќе добие уште една нискобуџетна авиокомпанија – австриски Laudamotion, пишува Bankar.me.
Laudamotion е ќерка фирма на најголемиот европски нискобуџетен авиопревозник, Ryanair од Ирска.
Од компанијата велат дека на почетокот на летната IATA сезона ќе биде отворена нова линија што ќе ги поврзува Штутгард и Подгорица.
Авионите на Laudamotion од типот airbus A-319 ќе летаат на таа релација два пати неделно, во вторник и сабота. Сезоната на летови ќе започне од втори април, а ќе трае до крајот на октомври 2019 година.
Инаку, малцински сопственик на оваа компанија, којашто во својата флота има 9 авиони, е некогашниот трикратен светски првак во Формула 1 Ники Лауда.
