Турција во првите осум месеци од 2024 година ја посетиле 35,8 милиони странски туристи, што претставува зголемување од 7,1 отсто во однос на истиот период лани, објави во вторник Министерството за култура и туризам.
Руските граѓани најмногу се заинтересирани за дестинациите во Турција, со 4,55 милиони посетители во периодот јануари-август, потоа Германија со 4,38 милиони и Велика Британија со 3,1 милиони туристи, јавува Anadolu Agency.
Истанбул, најголемиот град во Турција и главната туристичка дестинација, беше домаќин на 34,3 отсто од сите странски посетители, вкупно близу 12,27 милиони. Следуваше медитеранскиот град Анталија, кој привлече 11 милиони странски туристи, додека Једрене, кој се наоѓа во северозападна Турција во близина на границите на Бугарија и Грција, беше домаќин на 3,36 милиони посетители.
Само во август бројот на странски туристи кои ја посетиле Турција достигна 6,82 милиони, што претставува зголемување од 2,47 отсто во однос на истиот период од претходната година.
Турција забележа 49,2 милиони туристички пристигнувања во 2023 година, во споредба со 44,5 милиони во 2022 година.
