По повод најновите воени конфликти меѓу Израел и Иран, Националното здружение на туристички агенции на Србија (YUTA) ги информираше патниците дека ситуацијата во земјите во непосредна близина – Турција, Египет и Кипар – е стабилна.
Имено, сите аеродроми, комплетната сообраќајна инфраструктура, хотелите и угостителските објекти работат под сосема нормални услови. YUTA забележува дека сите редовни животни активности на локалното население се одвиваат без никакви проблеми и дека засега нема индикации за какви било ограничувања или променети услови за живеење.
„Според тоа, во овој момент не постои ниту една причина да се избегнува патување во споменатите земји, и дека оваа моментална ситуација не е причина за евентуално откажување на туристичките аранжмани, со оглед на тоа што во ниту една земја не е воведена вонредна состојба“, соопшти Националното здружение на туристички агенции на Србија.
YUTA наведува дека ќе продолжи да ја следи ситуацијата на терен и да ги информира патниците заради нивната безбедност и информации поврзани со досегашните договорени патувања.
Фото: pixabay