Турскиот национален авиопревозник Turkish Airlines, ја доби наградата за највирално видео со познати личности на Advertising Age 2014 Viral Video Awards, за видеото Kobe vs. Messi: The Selfie Shootout.
Турскиот авиопревозник, која неодамна беше прогласен за најдобар авиопревозник во Европа веќе трета година по ред, ја доби оваа награда на петтата церемонија што се одржа на 1 април во Њујорк, пишува Хуријет.
Рекламата ја креираа The Crispin Porter + Bogusky на почетокот на декември минатата година како дел од кампањата на Turkish Airlines Прошири го својот свет, а во неа се појавуваат амбасадорите на брендот, фудбалерот Лео Меси и кошаркарот Коби Брајант.
До крајот на декември рекламата беше прегледана преку 137 милиони пати.