Турската авиокомпанија „Туркиш ерлајнс“ (Turkish Airlines), рангирана меѓу водечките авиопревозници во светот, објави дека претстојното лето планира изградба на најобемниот карго терминал и угостителски центар на глобално ниво.
Проектот се проценува на 100 милијарди турски лири, што приближно изнесува две милијарди евра. Според соопштението на компанијата, реализацијата на овој инфраструктурен зафат ќе резултира со отворање на 26.000 нови работни места.
Сепак, „Туркиш ерлајнс“ не прецизираше каде точно ќе биде лоциран новиот карго објект и угостителскиот објект. Централата на „Туркиш ерлајнс“, која е една од најзначајните авиокомпании во светот, се наоѓа во Истанбул.
Овој турски авиопревозник располага со флота од 514 авиони, превезувајќи над 85 милиони патници и приближно два милиони тони товар годишно.