Во јуни Turkish Airlines ќе нарача вкупно 600 нови авиони кои ќе бидат испорачани во рок од десет години, изјави во четвртокот претседателот на компанијата Ахмет Болат.
Болат рече дека нарачката ќе се состои од 400 авиони со тесен труп 200 авиони со широк труп, а флотата ќе се зголеми на 810 авиони до 2033 година.
„Се ближиме до крајот на разговорите со еден од големите производители. Ќе нарачаме околу 600 авиони“, изјави Болат.
Самитот на Меѓународната асоцијација за воздушен транспорт ќе се одржи во Истанбул од 4 до 6 јуни.
Болат, исто така, рече дека се многу блиску до договор со Боинг за дел од нарачката, но не даде дополнителни детали.
Туркиш ерлајнс би можел да ги нарача останатите нови авиони „од друг производител“, додаде Болат.
