Авиопревозникот Туркиш ерлајнс во април превезол седум милиони патници, што е зголемување за 6,9 отсто во однос на претходната година, се вели во соопштението објавено во четвртокот.
Превозникот забележа пораст на бројот на патници на меѓународните линии за 4,5 отсто, достигнувајќи 4,3 милиони во април. Бројот на домашните патници во истиот период е зголемен за 11 отсто на 2,8 милиони, јавува Anadolu Agency.
Факторот на оптоварување на патници, или зафатеност на седиштата, се зголеми на 80,7 отсто минатиот месец, 86,5 отсто на домашните летови и 80 отсто на меѓународните летови.
Количината на товар и пошта што ја транспортира компанијата се зголеми за 34,4 отсто на годишно ниво на 162.483 тони.
