Beko, вториот најголем европски бренд за бела техника, минатата недела отвори официјална канцеларија за Балканот во Белград.
“Од Белград ќе управуваме со целиот Балкан, вклучувајќи ги Србија, Македонија, БиХ и Црна Гора”, изјави генералниот менаџер за Беко Балкан, Арел Атакол за еКапија.
Како што пишува еКапија, во наредниот период Beko би можел да започне и со производство во Србија.
“Времето ќе покаже дали ќе инвестираме или не. Бараме можности, веќе видовме неколку стари фабрики, како и компанијата ЕИ Ниш и ако достигнеме одредено ниво на продажба, зошто да не, може да започнеме со производство во Србија”, изјави Атакол.
Beko е интернационален бренд на апарати за домаќинство на турската група Arçelik, дел од Koç Holding. Arçelik има преку 25.000 вработени, 15 производни објекти во шест земји (Турција, Романија, Русија, Кина, Јужна Африка и Тајланд) и нуди производи и услуги за 10 брендови – Arçelik, Beko, Grundig, Blomberg, ElektraBregenz, Arctic, Leisure, Flavel, Defy и Altus, во преку 130 земји.
