Турција започна истрага против 19 фармацевтски компании за да утврди дали тие го прекршиле законот за конкуренција, се вели во соопштението на турските власти.
Надлежниот орган одлуката за покренување истрага во компаниите меѓу кои AstraZeneca, Bayer, GKS, Johnson & Johnson, Bausch & Lomb, Sanofi и Pfizer ја донел на 9 ноември, се вели во соопштението, пренесува Танјуг.
AstraZeneca, во согласност со својата политика, не сакаше да ја коментира истрагата, додека британската GKS, француската Sanofi и германската Merck KGaA изјавија дека целосно соработуваат со турските власти за конкуренција.
Во соопштението се наведува дека германската фармацевтска компанија БАСФ работи на проценка на случајот и дека корпорацијата се залага за високи стандарди за почитување на законот и деловната етика.
Останатите компании под истрага се AbVi, Abdi Ibrahim, Ilco, Liba, Menarini, Michael Page International, Panasonic, SIFI и World Medicine.
