Кинеската дигитална економија забележа брза експанзија во последниве години, од 11 трилиони јуани (1,65 трилиони американски долари) во 2012 година на повеќе од 45 трилиони јуани (6,72 трилиони долари) во 2021 година, според податоците на кинеското Министерство за индустрија и информатичка технологија. China Media Group (CMG) објави дека уделот на дигиталната економија во бруто домашниот производ (БДП) на Кина се зголемил од 21,6 отсто на 39,8 отсто во истиот период.
„Кина ја забрза изградбата на дигиталната инфраструктура. „До крајот на мај, земјата ги изгради најголемите и технолошки најнапредните мрежни капацитети во светот, покривајќи ги сите административни области на ниво на област и повисоките нивоа со оптички мрежи, со 1,7 милиони базни станици 5G“, информира кинеското министерство.
Земјата, исто така, ја забрза интеграцијата на големи податоци, клауд-компјутери и вештачка интелигенција со сектори како што се енергијата, медицинската нега, транспортот, образованието и земјоделството.
Во 2021 година, производството со додадена вредност на големите компании од областа на електронските информации порасна за 15,7 отсто на годишна основа, што е рекордно висок раст во последните десет години, додека приходите од софтвер и услуги од информатичка технологија, како и двоцифрени бројки на раст бележат и интернет и сродните услуги, соопшти министерството.
