Унца злато се тргува близу 2.000 долари

26

Цената на златото утринава достигна највисоко ниво во последните пет недели бидејќи војната во Европа, високата инфлација и ризикот од рецесија во САД ја поттикнаа побарувачката на инвеститорите за имот кој се смета за безбедно засолниште.

На пазарот, цената на овој благороден метал порасна за 0,17 отсто на 1.991,31 долар за унца, откако претходно го достигна највисокото ниво од 11 март, пренесува Блумберг.

Во пораст се и цените на другите благородни метали, вклучувајќи ги паладиумот, платината и среброто.