„УниКредит“ нема намера да го послуша советот на германската влада да се откаже од своите амбиции за преземање на „Комерцбанк“, изјави во петок извршниот директор на италијанската банка, пренесува „Ројтерс“.
Германскиот министер за финансии Ларс Клингбеил изјави за новинската агенција ДПА во четврток дека владата очекува „УниКредит“ да се откаже од плановите за преземање, повторувајќи дека Берлин го смета пристапот за „непријателски“.
„Што се однесува до Комерцбанк, ние ќе продолжиме со плановите и покрај ставот на германската влада. Во септември бевме поканети да купиме 4,5 проценти удел, не е јасно зошто треба да се откажеме сега“, „Ил Месаџеро“ го цитираше извршниот директор на „УниКредит“, Андреа Орсел, за време на состанокот на одборот во четврток.