Цената на златото вчера за прв пат се искачи над 2.500 долари за унца, поттикнувајќи ги очекувањата дека американската централна банка, ФЕД, ќе ги намали каматните стапки.
Цената на златото во попладневните часови достигна 2.500,16 долари бидејќи најновите податоци на пазарот на недвижности во САД покажуваат дека намалувањето на каматните стапки во САД ќе биде побрзо и позначајно од очекуваното.
Пониските каматни стапки се генерално позитивни за златото бидејќи тоа не плаќа камата, пишува Bloomberg.
Цените на златото се зголемија за повеќе од 20 отсто оваа година, бидејќи овој благороден метал се смета за безбедно засолниште за капиталот во денешниот свет на растечки геополитички ризици на Блискиот Исток и Украина.
Светските централни банки се многу заинтересирани за златото и со нивното купување дополнително ја зголемуваат неговата цена, наведува њујоршката агенција.
