Американската фармацевтска компанија Pfizer објави дека има намера да пренесе дел од своите производствени погони од Белгија во Романија. Таму цената на трудот е пониска, пишува италијанскиот весник il Fatto Quotidiano и наведува дека поради тоа 38 од 238 вработени ќе останат без работа.
“Тоа е уште една шлаканица за милиони граѓани на Европската Унија кои бараат социјална правда, а не деловно лукавство“, рече европратеничката Даниела Рондинели.
Белгиските синдикати реагираа и на одлуката на американската компанија да го премести производството таму каде што работата чини помалку, а со тоа се зголемува и профитот.
Американската компанија Pfizer ја разви вакцината против Ковид-19 заедно со германската компанија BioNTech.
Брзиот развој на лекот беше можен благодарение на големите инвестиции во истражувањето, околу 2,5 милијарди евра, а тие добија 400 милиони евра само од ЕУ во раната фаза на истражување.
Фото: Facebook