Загрепската ИТ компанија Five беше продадена на британската софтверска компанија Endava за 40 милиони долари. Ова е уште една голема аквизиција на хрватската ИТ компанија од странски инвеститори, кои во овој случај ќе плаќаат дел во готовина, а дел преку размена на акции и награда за континуиран развој на Five, пишува Index.
Five вработува 157 професионалци, имаат канцеларии во Бруклин, Њујорк и Загреб, а нивните клиенти се претежно од САД.
Од компанијата Five, којашто е основана од партнерите Виктор Марохниќ, Лука Абрус и Свен Марушиќ, велат дека се задоволни од трансакцијата и дека тоа ќе отвори нови можности на пазарите.
Виктор Марохниќ на Facebook објави долг статус во кој се потсети на неговите почетоци.
“Денес имаме важни вести – компанијата што ја основав во 2005 година, Five, ја презема Endava, голема компанија чии акции котираат на берзата“, напиша тој.
Тој наведува дека ја основал компанијата со едноставна цел – да создаде работни места што ќе бидат возбудливи за млади и амбициозни софтверски инженери.
“Во тоа време читавме за успесите на технолошките стартапи во Силиконската долина и се што сакавме беше можност да му покажеме на светот дека сме добри како нив. Отпрвин бев среќен кога можев да ги платам сметките и не барав многу повеќе, но пред да имам шанса да направам пауза, започна патување што е тешко да се опише со зборови. За петнаесет години работевме со неверојатни луѓе, стекнавме многу пријатели и влијаеја на многу животи “, вели Марохниќ.
Фото: Facebook
