Во првата половина од оваа година, Европската Унија увезе течен природен гас (LNG) во вредност од 4,5 милијарди евра од Русија, што е зголемување од седум проценти во споредба со минатата година, покажуваат податоците од Институтот за енергетска економија и финансиска анализа (IEEFA).
Рускиот LNG учествуваше со 16 проценти во таа енергија од странско потекло, пишува Euobserver. Од друга страна, увозот на руски LNG низ цела Европа се зголеми за два проценти.
Деветнаесеттиот пакет санкции на ЕУ против Русија, усвоен на 23 октомври, го забранува увозот на руски течен природен гас до јануари 2027 година. Франција имаше најголем удел, околу 41 процент, во европскиот увоз на руски течен природен гас (LNG) во првата половина од оваа година, по што следуваат Белгија (28 проценти), Шпанија (20 проценти), Холандија (9,0 проценти) и Португалија (2,0 проценти), објавува РТВ.
Од почетокот на 2022 година до јуни 2025 година, земјите од ЕУ потрошија околу 120 милијарди евра за гас од гасоводи и увоз на течен природен гас (LNG) од Русија.
Европската унија продолжува да увезува големи количини течен природен гас (LNG), кои се зголемија за 21 процент на 73,1 милијарди кубни метри (bcm) во првата половина од оваа година.
ЕУ потроши 30,4 милијарди евра од јануари до јуни оваа година за течен природен гас, од кој најголемиот дел беше увезен од САД во износ од 16,8 милијарди евра, објави „Еуобзервер“.