Велика Британија, и покрај санкциите против Русија, увезува милиони барели гориво направено од руска нафта, според два одделни извештаи што ги виде Би-Би-Си.
Меѓународните правила дефинираат дека нафтата што се рафинира во одредена земја се класифицира за трговски цели како нафта со потекло од земјата на рафинирање, што значи дека земјите како Кина и Индија можат да увезуваат руска нафта и легално да ја извезуваат во западните земји по рафинирањето.
Експертот на Центарот за истражување на енергија и чист воздух (CREA), Исак Леви, објави дека оваа „дупка за санкции“ ја зголемува побарувачката за руска нафта и влијае на нејзиниот раст на цената.
Во посебен извештај на невладината организација Глобал Витнес се проценува дека во 2023 година, Обединетото Кралство увезе околу 5,2 милиони барели рафинирани нафтени деривати произведени од руска сурова нафта.
Најголем дел од увезеното гориво, поточно 4,6 милиони барели, беше авионско гориво.
Двата извештаи тврдат дека Кремљ на овој начин заработил повеќе од 117 милиони евра.
Проценката што ја направија CREA и Global Witness се заснова на анализа на податоците за испорака на нафта од компанијата Кплер, додека податоците за цената се базираат на податоците на Евростат и некои други извори, пренесува Танјуг.