Пред самиот крај на годинава беше завршена претпоследната етапа од изградбата на првиот велосипедски автопат во Виена, кој во иднина ќе води во должина од седум километри од општината Донауштат до центарот на градот.
Со вкупно околу 900 метри двонасочна велосипедска патека создаден е вистински рај за велосипедистите, а од 22 декември таа делница и официјално ќе биде отворена за сообраќај.
Климатската трансформација на целата улица на Пратерштрасе, вклучително и продолжена еднонасочна велосипедска патека кон центарот на градот, продолжува со полна брзина и ќе биде завршена во летото 2024 година. Како дел од главната велосипедска мрежа, Пратерштрасе е веќе еден од најчестите велосипедски рути во градот, пишува еКапија.
Реконструкцијата сега создаде посебна двонасочна велосипедска патека долга приближно 900 метри на страната што води од центарот на градот. Постоечката еднонасочна велосипедска патека која води до центарот на градот останува зачувана и ќе биде проширена како дел од реконструкцијата. На излез од градот ќе биде отстранета една лента за моторен сообраќај за да се создаде повеќе простор за велосипедистите.