Вредноста на глобалниот пазар на вештачка интелигенција (АИ) ќе порасне приближно 25 пати до 4,8 трилиони долари до 2033 година, приближно колку германската економија, а само технологиите на вештачката интелигенција ќе влијаат на 40 проценти од работните места ширум светот, се вели во новиот извештај на Конференцијата на Обединетите нации за трговија и развој (UNCTAD).
Според извештајот, ширењето на вештачката интелигенција ќе ја зголеми продуктивноста на трудот, но може да доведе и до значително зголемување на нееднаквоста меѓу развиените и земјите во развој.
„Автоматизацијата поврзана со вештачката интелигенција често ја зајакнува предноста на капиталот над работната сила, што може да ја зголеми нееднаквоста и да ја намали конкурентската предност на евтината работна сила во земјите во развој“, додава UNCTAD.
Фото: Pixabay