Холандија ќе биде првата земја во светот во која парк на ветерници ќе се трансформира во забавен парк.
Зад идејата на овој проект стои холандската компанија Qurrent, чијшто проект ќе има голема атракција – адреналински спуст од ветерница висока 95 метри за само 1,5 секунди. Освен тоа, во проектот се вклучени и спирален тобоган со вода којшто се протега околу ветерницата, луда железница и други содржини.
Овој забавен парк ќе се протега на површина од 8.000 метри квадратни. Само еден дел од произведената електрична енергија во овој парк на ветерници ќе биде употребен за забавните содржини, а остатокот ќе се насочува кон дистрибутивната мрежа.
