Тојота планира да изгради град во близина на планината Фуџи каде ќе се тестира секојдневниот живот со помош на роботика, вештачка интелигенција и автономен транспорт, а компанијата пред неколку дена објави дека е завршена првата фаза од изградбата на овој град.
Извршниот директор задолжен за проектот истакна дека тоа не е паметен град – „Woven City“ е тест курс за мобилност.
Градот вреди 10 милијарди американски долари, а првата фаза од изградбата е завршена и се простира на 47.000 квадратни метри. Градот на крајот ќе зазема 294.000 квадратни метри. Woven City е направен по моделот на затворените фабрики на Тојота и ќе биде место каде истражувачите и стартапите ги разменуваат своите идеи.
Амбициозните планови за футуристички градови се широко распространети, но не се завршени. Гугл предложи еден таков град во Торонто, обиди имало и во Саудиска Арабија, но и во Сан Франциско.
Изградбата на Woven City започна во 2021 година. Сите згради се поврзани со подземни премини каде работат автономни возила за собирање ѓубре или испорака.
Сè уште никој не живее во овој град. Тојота изјави дека ова не е град наменет за домување, туку за истражување. Во првата фаза во градот ќе престојуваат околу 100 лица.
Тојота соработува и со други компании во изградбата и работењето на овој град. Така, овде ќе се најдат производители на инстант тестенини, како и производители на климатизери. Во исто време, постојат различни машини за кафе кои го служат овој пијалок во автономни автобуси.
Тојота не очекува да оствари профит од „Woven City“, барем не во првите неколку години од работењето.
Сè уште не се знае со сигурност кога би можело да се очекува да завршат работите на новиот град, но компанијата најави дека тоа би можело да биде есента 2025 година или набргу потоа.