Тајванскиот „Фокскон“ и јапонската „СофтБанк“ во понеделник објавија почеток на производство на опрема за центри за податоци специјализирани за вештачка интелигенција. Производството ќе се одвива во поранешната фабрика за електрични возила на „Лордстаун Моторс“ во Охајо, а проектот е дел од иницијативата „Старгејт“, која има за цел да ја подобри инфраструктурата за вештачка интелигенција во САД.
Претседателот на „Фокскон“, Јанг Лиу, изјави дека „СофтБанк“ го купил местото во Лордстаун, додека „Фокскон“ ќе продолжи да ја управува фабриката преку заедничко вложување. Порано овој месец, „Фокскон“ објави продажба на фабриката и опремата за 375 милиони долари, без да го открие идентитетот на купувачот, пишува „Ројтерс“.
За потсетување, „Старгејт“ е заедничко вложување на „ОпенАИ“, „СофтБанк“, „Оракл“ и инвестициската компанија „МГКС“. Објавено е во јануари 2025 година под покровителство на американскиот претседател Доналд Трамп, а планираната инвестиција изнесува 500 милијарди долари до 2029 година.