Во текот на 2023 година, 16,2 отсто од населението во Европската унија или околу 71,7 милиони луѓе биле во ризик од сиромаштија.
На регионално ниво, десет региони во ЕУ имале удел на луѓе во ризик од сиромаштија над 30 отсто, објави европската статистичка служба Евростат.
Најголем удел има во најоддалечениот регион на Франција, Гвајана, каде што повеќе од половина (53 отсто) од луѓето се изложени на ризик од сиромаштија, а потоа следат Калабрија (40,6 отсто) и Сицилија (38 отсто).
Спротивно на тоа, 26 региони забележаа удел под десет проценти.
Романскиот регион Букурешт-Илфов имаше најниска стапка на луѓе изложени на ризик од сиромаштија (2,1 отсто), пред италијанската Провинција Болзано (3,1 отсто) и белгиската Провинција Ост-Вландерен (5,4 отсто).