Рударењето криптовалути троши огромна количина електрична енергија, што предизвикува локална енергетска криза во Казахстан.
Фајненшл тајмс објави дека операторот на електричната мрежа во оваа земја, KEGOC, објавил дека ќе започне со рационализација на дистрибуцијата на електрична енергија за 50 регистрирани криптовалути, откако нивната работа наводно барала итно исклучување на три електрани во октомври. Тие ќе бидат и првите што ќе се исклучат доколку има дефекти на мрежата, соопштија од компанијата.
Казахстанското Министерство за енергетика проценува дека побарувачката за електрична енергија скокнала за осум отсто од почетокот на 2021 година, во споредба со типичниот раст од еден или два отсто.
Од октомври во шест региони во земјата има прекини на струја.
Официјални лица и набљудувачи ги поврзаа прекините за струја сè поголемиот број нерегистрирани рудари на криптовалути кои незаконски произведуваат дигитални средства од нивните домови или фабрики.
Тековната кинеска војна против криптовалутите може делумно да биде одговорна за таквата ситуација. Побарувачката за енергија почна да расте кога компаниите за ископување криптовалути се преселија од Кина на почетокот на 2021 година и повторно скокна кога Кина го прогласи рударството за нелегално овој мај. Електричната енергија беше релативно евтина во Казахстан, што го прави рај за компаниите кои се надеваат дека ќе заработат поголем профит од крипто операциите.
