Соединетите Американски Држави станаа главен трговски партнер на Германија во првиот квартал од 2024 година, престигнувајќи ја Кина.
Податоците на германскиот федерален завод за статистика откриваат дека вкупната вредност на трговската размена меѓу Германија и САД во првиот квартал од 2024 година изнесувала 63 милијарди евра, додека вредноста на трговската размена меѓу Германија и Кина во истиот период била речиси 60 милијарди евра, пренесува Ројтерс.
Во исто време, Кина е главен трговски партнер на Германија осум години по ред, а вредноста на трговската размена меѓу двете земји во 2023 година изнесува 253 милијарди евра.
