Италијанското дизајнерско Studio Fuksas ги откри дизајните за новиот плоштад Света Недела, кој ќе се наоѓа во центарот на Софија и ќе биде со нула штетно влијание на околината.
Лоциран пред средновековната црква Света Недела, проектот ќе биде еден вид мост меѓу старите корени и модерниот урбанизам со современ дизајн кој ја покажува историската архитектура на градот. На плоштадот ќе бидат поставени транспарентни соларни панели и систем за собирање на дождовната вода.
Ќе се простира на површина од 34.000 квадратни метри и ќе биде поделен со трамвајска линија на два дела со јавен парк и поплочен плоштад, пишува Inhabitat.
Се очекува изградбата на плоштадот за започне во 2021 година, а да биде завршена во 2023 година.
Фото: Fuksas
