Според податоците на Министерството за финансии на Црна Гора, годинава заклучно со вчерашниот ден во државната каса од туризмот се примени 1.119.558 евра, што претставува раст од 35,5% во однос на истиот период од претходната година, информираат од Националната туристичка организација.
Како што наведуваат, тоа се приходите на државниот буџет по основ на такса за престој, членарина и туристичка такса.
„Приходите од данок на живеалиште остварени заклучно со 14 јуни изнесуваат 574,82 илјади евра што е зголемување за 77,62 отсто во однос на истиот период од претходната година.
Приходите од туристичката такса остварени заклучно со 14 јуни изнесуваат 175,93 илјади евра што претставува зголемување од 21,24 отсто во однос на истиот период од претходната година“, прецизираат од НТО.
Притоа, приходите од членарини изнесуваат 368,8 илјади евра, што претставува раст од 3,08 отсто во однос на истиот период од претходната година.
Очекувањата на НТО за оваа сезона се, како што рекоа, доста големи со оглед на добрата претсезона и најавите за летните месеци.
„Според хотелиерите најавите се подобри во однос на истиот период лани и задоволни се како започна летната туристичка сезона. Посочуваат дека има одлични најави од пазарите од регионот, Германија, Австрија, Франција, Велика Британија, Полска, Чешка и Израел“, соопшти НТО.
