Дури неодамна беше официјално објавено дека во Турција циркулираат огромно количество фалсификувани банкноти од американски долари. Тамошните медиуми дури ја споменуваат сумата од 600 милиони „долари“.
Се чини дека фалсификуваните банкноти почнаа да кружат во Турција пред најмалку шест недели, но дури сега јавно се зборува за обемот на ова кривично дело. Искусните трговци со валути сведочат дека фалсификатите се извонредно добро изработени: „Фалсификаторите ги печатат овие банкноти на вистинска доларска хартија“. Последен пат имавме такви инциденти во времето на Садам Хусеин“, изјавил за весникот Хуриет, златар во турската чаршија.
Во турските менувачници се шпекулира дека изворот на овие фалсификати би можеле да бидат фалсификатори од Блискиот Исток, едни мислат од Азија, други се сомневаат дека се криминалци од Балканот…
Банкнотите во долари се релативно едноставни за печатење, но главниот проблем е специјалната хартија. Фалсификаторите имаат корист од тоа што апоените на американскиот долар се со иста големина, а сè уште има банкноти од само еден долар на кои е испечатена многу поголема вредност.
Според извештаите во Турција, повеќето од овие фалсификати се стари банкноти од 100 долари и нови банкноти од 50 долари. Бидејќи не се „препознаваат“ ниту по машини, не е исклучено некои од нив да завршиле во трезорите на банките и официјалните менувачници – иако турските банки тврдат дека сите нивни резерви се „реални“.
Но, меѓу турските менувачници се шири недоверба: некои воопшто не сакаат да тргуваат со американски долари, некои бараат посебна провизија од по 10%. И тоа е веќе огромен проблем не само за турските граѓани, туку и за турските компании.
Како што објаснува Муса Евин од Стопанската комора на Истанбул за станицата АРД, сите во Турција се обидуваат да најдат излез од сериозната инфлација што беснее во таа земја во девизи. Дури и при извоз на стоки, компаниите сакаат сметката да ја плаќаат во готово, бидејќи доколку трансакцијата се одвива по електронски пат, во Турција се обврзани веднаш да променат 30% од таа сума во турски лири по „официјален“ курс.
Поради инфлацијата – исто така официјално, моментално е 47% – и граѓаните и турските компании имаат најголема доверба во „тврдите“ девизи во меѓусебното работење, па се проценува дека Турција е „свртена“ кон огромна сума американски долари – споменатата сума од 4 милијарди месечно. Затоа што дури и работодавците ги менуваат доларите само кога треба да распределат плати, но сега веќе не можат да бидат сигурни дали во касата имаат американски банкноти или хартија.
Ова е и причината зошто златото во последно време е многу барано во Турција, без оглед на неговата рекордна цена. Но, турската економија, исто така, бара од владата што поскоро да му влезе во трага на овој криминал и да стави крај на оваа несигурност. Владата во Анкара најави брза и ефикасна истрага на тамошното државно правобранителство, веќе се уапсени пет лица осомничени дека се вмешани во дистрибуција на фалсификати. И турската централна банка ветува дека ќе соработува тесно со властите за да се реши проблемот, а исто така вели дека работи на развој на „нови технологии“ кои ќе се справат со овие вешти фалсификати на американски долари, пренесува СЕЕбиз.
Фото:Pixabay
