Германскиот производител на автомобили Volkswagen на своите 115.000 вработени ќе им исплати премија од по 5.900 евра, поради успешниот финансиски резултат постигнат минатата година, пишува германски Шпигел.
Овогодишната премија е помала во однос на таа што беше исплатена во 2011 година, кога беше на ниво од 7.500 евра, додека во 2012 година беше 300 евра помалку. Иако премијата е помала, таа во константен износ е 700 милиони евра, земајќи во предвид дека во компанијата имаше 5.500 нови вработувања.
Volkswagen во 2014 година оствари рекорден оперативен профит од 12,7 милијарди евра, што е раст од 8,8% во однос на претходната година. Најпрофитабилна марка на концернот е Audi, чиј оперативен профит е 5,1 милијарди евра, потоа следи Porsche и Volkswagen каде што на годишно ниво има влошување на резултатите од 14,4%.
