Волстрит: S&P 500 и Nasdaq паѓаат петти ден по ред

10

На Волстрит, индексот S&P 500 и Nasdaq во вторникот паднаа петти ден по ред, бидејќи инвеститорите се несигурни пред извештаите за инфлацијата во САД и почетокот на кварталната сезона за заработка на американските компании.
Dow Jones зајакна 0,12 отсто, на 29.239 поени, додека S&P 500 се лизна за 0,65 отсто, на 3.588 поени, а индексот Nasdaq загуби 1,10 отсто, на 10.426 поени.

На пазарот има неизвесност бидејќи нема вести кои би можеле да го поттикнат пазарот и бидејќи инвеститорите не сакаат да ризикуваат пред објавувањето на извештајот за потрошувачките цени во САД во септември, кој ќе биде објавен во четврток.

Инфлацијата се очекува благо да се лизне на 8,1 отсто на годишна основа, додека базичната стапка на инфлација, која ги исклучува цените на храната и енергијата, може да се зголеми од 6,3 на 6,5 отсто.

Податоците подобри од очекуваното би ги зголемиле надежите за забавување на темпото на зголемување на каматните стапки од страна на американската централна банка.

Мора да се признае, никој не очекува ФЕД да се откаже од агресивното заострување на монетарната политика, но можеби следната година би можело да го запре циклусот на зголемувања на каматните стапки порано и на пониски нивоа отколку што се очекува во моментов.

Внимателни се и инвеститорите бидејќи претстои сезоната за објавување квартални деловни извештаи на компаниите.

Поради високата инфлација, зголемувањето на каматните стапки и забавувањето на економскиот раст, очекувањата се значително намалени во последните месеци.